അദ്ദിക്ർ

സ്പഷ്ടമായ ഗ്രന്ഥത്തെ വളച്ചൊടിച്ചുകൊണ്ടും മൂടിവെച്ചുകൊണ്ടും പരിഹസിച്ചുകൊണ്ടും സംസാരിക്കുന്ന കപടവിശ്വാസികളെയും അത് കേട്ടിരിക്കുന്ന കാഫിറുകളെയുമാണ് ഇവിടെ അക്രമികള്‍ എന്ന് പറഞ്ഞിരിക്കുന്നത്. ഇത്തരം അക്രമികള്‍ക്ക് അദ്ദിക്ര്‍ നഷ്ടമല്ലാതെ വര്‍ദ്ധിപ്പിക്കുകയില്ല എന്ന് 17: 82 ലും; മുശ്രിക്കുകളും കപടവിശ്വാസികളുമായ ഇത്തരം അക്രമികള്‍ മാലിന്യമാണെന്ന് യഥാക്രമം 9: 28, 95 സൂക്തങ്ങളിലും പറഞ്ഞിട്ടുണ്ട്. അദ്ദിക്ര്‍ കേള്‍ക്കാന്‍ തയ്യാറാകാത്ത ബധിരരും അദ്ദിക്റിനെക്കുറിച്ച് ലോകരോട് പറയാത്ത ഊമരുമായ ഇവരെ ചിന്താശക്തി ഉപയോഗപ്പെടുത്താത്ത ദുഷ്ടജീവികള്‍ എന്നാണ് 8: 22 ല്‍ വിശേഷിപ്പിച്ചിട്ടുള്ളതെങ്കില്‍; ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ തള്ളിപ്പറഞ്ഞ് ജീവിക്കുന്ന ഇക്കൂട്ടര്‍ അവരുടെ മുഖങ്ങളില്‍ നരകക്കുണ്ഠത്തിലേക്ക് വലിച്ചിഴക്കപ്പെടാനുള്ള ഏറ്റവും ദുഷിച്ച സ്ഥാനത്തുള്ള ഏറ്റവും വഴിപിഴച്ചവരാണ് എന്നാണ് 25: 33-34 സൂക്തങ്ങളില്‍ പറഞ്ഞിട്ടുള്ളത്. അപ്പോള്‍ വിശ്വാസികള്‍ക്ക് അത്തരം സദസ്സുകളില്‍ ഇരിക്കാന്‍ മാത്രമല്ല, നില്‍ക്കാന്‍ പോലും അനുവാദമില്ല. അഥവാ പിശാചിന്‍റെ പ്രേരണയാല്‍ അവിടെ നില്‍ക്കാനിടയായാല്‍ ഓര്‍മ്മവരുമ്പോള്‍ അത്തരം രംഗങ്ങള്‍ വിട്ടകന്ന് പോകണമെന്നാണ് സൂക്തത്തിലൂടെ കല്‍പിക്കുന്നത്. 2: 254; 3: 101-103; 4: 140; 10: 17; 32: 22 വിശദീകരണം നോക്കുക.